究竟咩係「初戀臉」？其實係代表五官唔算非常突出但卻具親和力、有氣質嘅臉孔。咁點先可以將自己喬裝成親切又具吸引力嘅「初戀臉」？就要學下以下幾個護膚小技巧啦！
逆生長嫩肌是如何養成的？
1. 膚色要均勻
初戀臉嘅膚色要均勻、通透、白滑，臉上無任何歲月痕跡。每天外出記得要
塗上防曬霜，令膚色不會變黑。另外，適當運用維他命C嘅護膚品亦有助美白、收細毛孔、均勻膚色、淡斑、修護及重整膚質。
2. 底妝要清透
如果皮膚天生唔係完美無瑕，只要用粉底作適當嘅修飾，你都可以擁有一張「偽初戀臉」。底妝時要緊記以透薄為主，使用質地薄貼嘅粉底液再用粉底掃去暈染全臉，膚色便可以得到適當修飾。相反，厚重嘅粉底液雖然遮瑕效果較好，但會令皮臉欠缺自然光澤感。
3. 唇妝要低調
如果想營造一張「初戀臉」，紅唇就唔太適合啦。大家可以轉用淡淡地嘅唇膏為唇部作適量的修飾，睇上去就更加親切可人。
4. 維持臉部輪廓
隨著年紀增長，支撐肌膚嘅膠原蛋白流失，開始出現老化現象，唔單止令臉部容易下垂，睇上去亦都無精打采，鬆弛嘅雙下巴及面頰甚至比同齡嘅更顯老，要怎樣才可以維持緊緻肌?面部按摩就非常重要啦！
天天按摩面部有效提升輪廓
按摩步驟以供參考：
- 將拇指固定在耳朵與下頜處的交接位置，兩手的食指由內而外溫柔的地按摩下巴10次
- 由內而外按摩下唇與下巴之間的位置10次。
- 拇指在太陽穴位置保持不動，用食指由內而外按摩眼睛下方，使眼部肌肉得以放鬆，減少細紋。重複10次，動作要輕柔。
每日keep住面部按摩，relax同時又能緊緻肌膚，記得要抽時間做呀！
