夏天又嚟啦，最近天氣真係好熱，長頭髮嘅大家有無少少頂唔順，想將D頭剪哂佢?咪住!!!剪之前不妨睇下今期興咩髮型先!
女仔嘅你~~
馬尾辮
唔捨得將頭髮剪短但又怕熱，就可以將D頭髮紮起。不過，並唔係簡單咁一條馬尾，而係今年好HIT嘅馬尾辮。簡潔、俐落，又有造型，咩女仔都可以HANDLE!
外捲水母
髮尾向外捲的復古造型特別適合中長髮嘅你，上重下輕層次分明，配以微嘅小瀏海，率性自然。
法式男孩短髮
短髮喺夏天真係好清爽，而短短帶有男孩Feel嘅短髮，蓬鬆立體又有層次，效果超逆齡。
男仔嘅你~~
短貼頭髮型
呆萌嘅韓式髮型，只要兩側修剪，上方頭髮順順往前遮蓋，瀏海長度大概喺額頭中間，潮之餘仲好特別。
微捲髮型
捲髮比到人一種暖男嘅感覺，而且又唔需要花太多時間去整理，只要隨意用手抓抓就可以快速出門口，超級方便。
蓬鬆油頭
頭兩邊微微剷青，中間頭髮比較豐厚。稀疏較幼嘅髮絲可以逆向搽上髮蠟，令頭髮蓬鬆，營造年輕俊朗嘅感覺。
以上幾款髮型，有無邊D 係你心水呢?
