BOTOX(肉毒桿菌素)呢個字相信各位一啲都唔陌生！尤其打BOTOX瘦臉同去皺已經係明星嘅公開秘密！小妹作為天生包包面嘅代表，一直都心思思想打BOTOX嚟瘦臉！今日就同大家分享我做左嘅BOTOX瘦臉療程～有興趣嘅sis可以keep住睇落去！^^
1. 咩係BOTOX？
BOTOX係一種天然純化嘅蛋白質，可以放鬆肌肉，令臉部肌膚變得平滑，減淡並防止皺紋形成。另外，透過阻止肌肉附近神經線分泌傳播物，達到瘦臉嘅效果！打BOTOX一直都好普及，因為佢唔洗開刀、冇任何疤痕，效果亦好自然！
2. BOTOX嘅效果
如果想變V臉，BOTOX就啱晒你！打BOTOX可以令肌肉放鬆，繼而慢慢萎縮，達到完美瘦臉效果！成個打BOTOX嘅過程，小妹係feel到少少痛，不過係接受到嘅！而且痛感好快就冇咗～做完BOTOX療程之後，效果並唔係即時見效嘅，而係約1個月後漸見成效！一般嚟講，BOTOX瘦臉效果可以維持6-9個月。另外，除咗V臉同提升臉部輪廓，BOTOX仲有消除皺紋同身體塑型嘅功效，啱晒想減肥同去皺嘅各位！
3. 打BOTOX需要注意嘅事
打BOTOX之前，至少係24小時內避免飲酒精類飲品，避免血管擴張容易出血導致瘀青！另外，至少係一星期前避免果酸換膚或創傷性嘅激光治療，以免再度刺激皮膚！ 打完BOTOX嘅4小時內，注意要避免臉部按摩、訓覺、頭部前傾同劇烈運動，以免肉毒桿菌流散！仲要避免係注射部位冰敷同熱敷！另外，療程後6小時內，都唔可以洗臉同化妝，盡量避免觸摸注射部位！
