2023春天好快又到，各式春裝準備好嘅同時，你嘅「春妝」都好重要！春天比人充滿生氣、活力處處嘅感覺。今年春夏眼妝，又要點化先match返朝氣勃勃嘅春天呢？
2023年春夏彩妝興D咩?
根據各大彩妝呂品牌最新推出嘅化妝品，不約而同嘅係搭上「名媛千金風」，到底點先可以化出優雅又可以嘅千金小姐妝？只要掌握好以下幾點，你都可以化出高級感十足嘅千金風妝容。
l底妝
底妝重點一定要透亮，薄薄一層粉底，化到好似素顏咁，打造彷彿天生好膚質嘅透亮光澤。
l 眼妝
眼妝濃但唔可以浮誇，為咗突出千金感，眼妝推薦大地色或粉色系，用眼影刷慢慢暈染造出層次，然後喺眼頭及臥蠶用亮片做Highlight，令雙眼睇上去又大又有神采。眼線可以微微喺尾端加長，令眼睛有自然放大效果。睫毛方面只需要薄薄一層，唔過份濃密嘅根根分明自然感就已經足夠。
l 胭脂
淡淡掃上珊瑚色胭脂以帶出自然好氣息，最重要用珠光陰影打亮鼻頭、下巴及顴骨，可以令整個妝容更有光澤，千金氣質出哂嚟呀。
l 唇妝
唇妝要同胭脂顏色保持一致，建議用柔和嘅裸粉色唇彩，質地要水嫩，令唇部更加飽滿。
