農曆新年少不免同親朋戚友圍埋一齊拜年，玩樂之餘當然仲有飲飲食食，食埋食埋唔少糕點。假期過後驚覺肚皮長肉，成個人腫咗好多？咁就要「食幾多、還幾多」，將D卡路里同熱量盡快消耗！有咩妙方？即睇！
「食幾多、還幾多」！卡路里K.O
要消耗卡路里之前，比少少概念大家：兩小件年糕、蘿蔔糕及兩隻角仔，已經大約650卡，如果你係60kg，即係最少要以慢跑1小時或者行路3小時先可以將650卡消耗。
消耗節後糕點懶人妙方
No pain no gain!所以你食幾多都係要還，做運動就一定係最有效嘅方法。勤力做就可以將脂肪K.O.! 不過，如果你分屬懶人，以下介紹幾個比較輕鬆方法，即跟！
吸塵
吸塵連串動作能運用腹部核心肌肉群，持續吸塵半小時，大約可消耗85卡路里。嘗試清潔每個房間時，集中收緊一個部位，例如先收緊臀部肌肉，接着收緊上腹。在整個清潔過程，保持收緊身體不同部位。
掃地
掃地前搬開家具，清空地板，已經是很好運動！掃至難觸及嘅地方，可以同時收緊腹部，或練習深蹲，而不單是屈曲身體。
拖地
跟掃地能燃燒嘅熱量相若，拖地板15分鐘，消耗接近50卡路里。掃地或拖地時，記得每邊手持地拖、掃把5至10分鐘，便交替以另一邊手臂運動，讓身體兩邊有均等嘅鍛鍊機會。
抹窗
抹窗正好是鍛煉拜拜肉嘅好時機，左、右手都要運用到，保持上、下及打圈嘅動作，確保應用到腹部、臀肌、下背部肌肉。清潔窗戶15分鐘，就可甩走45卡路里。
打機
有電競平台研究發現，男性打機2小時，可以燃燒420卡路里，女性就可以消耗472卡路里。而且，研究發現玩家打機時燃燒嘅卡路里，比做1000次仰臥起坐多。咁係因為體在競爭狀態時，會釋出更多腎上腺素，可燃燒更多熱量，在激烈遊戲下，往往達到劇烈運動效果。兩小時消耗420大卡，大概相等於1慢行1.5小時，或慢跑45分鐘。
有付出先有收穫！記得就算有幾懶都好，都要「付出」呀! 祝大家身體健康！
