炎熱嘅天氣，無時無刻都想留喺冷氣房，不過冷氣房其實係肌膚大敵，佢會
將肌膚水分抽走，令皮膚愈嚟愈乾，甚至會毛孔粗大、出現幼紋。所以經常出入
冷氣房嘅你，千期唔好忽略保濕嘅重要!
下面係幾個保濕小TIPS：
1.洗面後即刻保濕
洗臉之後要趁角質層含水量最高嘅黃金30秒內立即補水，此時角質層最易吸收水分，否則保濕效果便會大打折扣。
2.飲飽水
護膚第1步要用保濕爽膚水，先拍2至3次，令面部水潤先再上其他護膚品，可令後續護膚品更易吸收。若想進一步保濕，可用化妝棉或者壓縮紙面膜浸透保濕爽膚水，然後在臉上敷10至15分鐘，補水嘅同時，仲可以軟化角質層，令皮膚更易吸收養分。
3.勤敷面膜加強保濕
面膜屬於加強保濕嘅產品，可以密集式修護肌膚，就算有幾忙，都至少要每星期敷1至2次。敷用面膜之後要盡快搽乳液或乳霜，保濕先至大功告成。但敷面膜唔好多過20分鐘，否則面膜入面嘅水分已經蒸發走，根本做唔到保濕作用。
4.出門前防曬
無論咩天氣，戶外就會有紫外線問題，而紫外線會令肌膚水分流失，亦係加速皮膚老化嘅一個原因，喺出門口前半小時就要搽防曬。若要長時間喺戶外，就要每 2 小時補搽防曬，保護肌膚。
5.唔好熬夜
熬夜係造成肌膚缺水嘅重要原因，就算日間飲再多水，晚間敷再多面膜，如果熬夜，所有功夫都係白費，肌膚照樣乾燥缺水，所以想皮膚好就一定要早D瞓啦。
