每逢新年，唔少人喺農曆新年都會去親戚屋企中拜年。難得與親朋戚友共聚，當然要趁此機會放低電話，同一眾親友盡情玩遊戲，歡笑聲之下過佳節。今次為大家推介5個新年團拜遊戲，簡單易上手又好玩！
Game 1：7、8、9
準備2粒骰仔，1個骰盒，2人以上就可以玩。輪流搖骰，每人搖一次則立即開骰，如果尾數係7就要倒酒，尾數係8就要飲一半，尾數係9就要飲哂全杯酒，其他數目就pass。輪流一人搖一次，洗唔就瘋狂被罰飲酒，咁就要睇你運氣啦。(想老少咸宜，就可以將酒改為其他飲品)
Game 2：俄羅斯輪盤
將6個杯排開.然後隨便揀3個杯，隨意添酒.然後開始一粒搖骰，搖骰嘅人可以指定喺邊一杯開始數起，然後就按照搖出嚟嘅點數開始數，如果係空杯就添酒。輪到下一個人搖，如果係有酒嘅杯就要飲酒。繼續搖骰，直到數到空杯為止.。(想老少咸宜，就可以將酒改為其他飲品）
Game 3：硬幣入水杯
用一個直徑大約15cm嘅玻璃杯，不過如果人多就可以用直徑大少少嘅杯，然後將杯子裝滿水(離杯口差1至2mm)，然後每個人輪流放一個硬幣入水杯，邊個令到水杯入面d水滿瀉出嚟就輸。罰d咩？自行決定，包保刺激！
Game 4：傳牙籤
每人抽一張撲克牌，然後按撲克牌的順序坐好，最小（或最大）撲克牌嘅人先開頭用嘴咬住1支牙籤，依次傳到下一個人嘅嘴邊，注意唔可以借用手或任何工具幫忙，如果牙籤掉咗，就要受到懲罰。
Game 5：貼撲克
每人抽1張撲克牌貼喺自己額頭上面，自己睇唔到自己嘅牌，只會睇到其他人嘅牌，如果覺得人哋嘅牌比自己細就可以加酒，如果覺得人哋比自己大，就可以飲半杯退出遊戲。最後一輪之後剩低嘅牌如果係最細就要飲哂全部酒。(想老少咸宜，就可以將酒改為其他飲品)
