因為疫情原因，不經不覺已經有2年沒有去過旅行。被困在香港無得去玩真係周身唔舒服，難道放假就只有留在家中打機？倒不如發掘一下香港的好去處，其實香港都有很多地方值得一去，今次就推介下有香港後花園之稱的西貢，感受一下慢節奏的生活風。
文青Café
西貢碼頭附近其實有很多Café，最適合打卡跟朋友閑聊一個下午。好似呢間Little Cove Espresso，位於西貢海傍廣場，暖洋洋嘅陽光透過玻璃窗照入café，配合店內北歐風裝修，抽離一下繁忙的都市生活。
西貢外島
如果係一家大細，情侶拍拖或者fd子一齊玩，就可以去西貢碼頭搭船出海，幾十蚊來回船票唔算貴。私心推介橋咀洲！
橋咀洲地質步道從沙灘一端開始，途經連島沙洲（一條由風浪搬運及堆積沉積物而形成嘅天然沙石堤，長200米，只會係退潮時刻出現）,以對面名為橋頭的小島為終點，有種係海中心散步嘅感覺，遇著日落時刻，哇~真係好浪漫！沿途會見到這一種「菠蘿包石」，它是經風化海水侵蝕而成的花崗岩
小島上都好好玩，有沙灘同好多平整嘅大石頭可以坐下，望下海景，但去的時候記得先留意一下天文台的潮漲潮退時間，假如撞正潮漲的話，被困在小島上就不好了。
除咗橋咀島，鹽田梓都幾好行，上面有個小教堂同埋有茶果食，仲有小冊子派講解下呢度嘅歷史，好適合帶埋小朋友一齊去！
CP值超高泰國菜：
搭船回到 西貢碼頭附近，有一條海鮮街可以讓你食一個超豐富海鮮大餐！假如對海鮮不大好感的話，旁邊的巷仔裡面就有間好出名嘅泰國菜，價錢不算貴，味道都十分不錯錯，值得推薦的是他們的串燒，配上沙嗲醬好香，食得出花生粒粒，口感非常豐富！
